Daim Ntawv Tshaj Tawm Txog Tsoom Fwv Tej Hauj Lwm

Lub Minnesota Attorney General’s Office (AGO) xav pab ntsuam xyuas thiab daws cov kev cuam tshuam uas tsoom fwv teb chaws tau ua rau cov neeg nyob Minnesota. Daim ntawv no yog siv los tshaj tawm tej xwm txheej los sis tej kev cuam tshuam uas tsoom fwv teb chaws tau ua tseg hauv Minnesota, xws li tab sis tsis txwv rau cov hauv qab no: Kev yuam cai ntawm tus Txhooj Cai Lij Choj (xws li kev xwj cov neeg txawv teb chaws vim kev ntxub ntxaug, siv lub dag zog heev tshaj qhov tsim nyog, los sis kev ua phem rau cov neeg tawm tsam, cov neeg saib xyuas, thiab cov neeg tshaj xov xwm), kev kaw lag luam, txwv kev kho mob, txwv kev kawm, tsim lwm yam teeb meem uas cuam tshuam txog pej xeem kev nyab xeeb thiab txoj cai nyob ywj pheej, kev txiav nyiaj pab los ntawm tsoom fwv teb chaws, kev rhuav tshem nyiaj pab cuam, kev rhuav cov nqe lus thiab tej kev cai teev tseg hauv tsoom fwv cov kev pab cuam, lwm yam kev txiav txim los sis kev ua hauj lwm ntawm cov koom haum uas raug tswj los ntawm tsoom fwv teb chaws. Tej zaum cov ntaub ntawv uas koj muab yuav raug siv los ntawm AGO los txhawb ua pov thawj rau rooj plaub foob tawm tsam DHS, thiab kuj yuav siv tau rau lwm yam dej num txhawb kev ruaj ntseg ntawm txoj cai lij choj rau yav tom ntej. Minnesota Attorney General lub chaw hauj lwm yuav npaj siab tshawb nrhiav cov xwm txheej uas raug tshaj tawm kom los tiv thaiv kev yuam cai hauv Minnesota thiab kev yuam cai ntawm tus Txhooj Lij Choj ntawm teb chaws Asmeskas. Lub Minnesota Attorney General’s Office tsis tuaj yeem sawv cev los sis muab tswv yim txog kev cai lij choj rau cov pej xeem siv li ntiag tug.   
 
Vim yuav tsum tau daws cov teeb meem no kom sai li sai tau thiab tej zaum yuav muaj neeg xa ntawv tshaj tawm tuaj coob heev, peb yuav teb tsis tau txhua daim ntawv ib daig zuj zus. Tej zaum peb yuav tiv tauj koj yog tias peb xav tau cov lus qhia ntxiv los sis cov ntaub ntawv pov thawj ntxiv. Txawm hais tias peb tsis teb koj tsab ntawv rov qab los koj cov lus qhia thiab koj cov kev paub yeej tseem ceeb heev rau peb. 
 
Nyob ntawm hom xwm txheej uas koj tshaj tawm, tej zaum AGO yuav xa cov lus tsis txaus siab mus rau lwm lub koom haum (xws li lwm lub xeev cov chaw ua hauj lwm, tub ceev xwm, los sis cov kws lij choj uas tej zaum yuav pab ntsuam xyuas los sis teb tau qhov xwm txheej uas koj piav qhia.)  
 
Yog tias koj muaj pov thawj txog qhov xwm txheej tua neeg hauv Minneapolis thaum hnub tim 7 Lub Ib Hlis, thov xa cov pov thawj ntawd mus rau Hennepin County Attorney’s Office Evidence Submission Portal. 

Cov chaw uas muaj lub cim asterisk  * yog cov chaw uas yuav tsum teb. 

Xa Duab

Koj tuaj yeem xa tau txog tsib daim duab uas qhia txog qhov xwm txheej. Thov txwv tsis pub xa lwm yam duab uas tsis yog hais txog qhov xwm txheej ntawd.

Xa Yeeb Yaj Kiab

Koj tuaj yeem xa tau txog tsib daim yeeb yaj kiab txog qhov xwm txheej. Yog xav xa daim yeeb yaj kiab, thov muab upload rau ib qho website (xws li YouTube, Vimeo, Twitter, Instagram, los sis Facebook) thiab muab qhov link kom mus saib tau qhov yeeb yaj kiab ntawd rau peb, nrog rau cov lus piav qhia luv luv txog yam uas tshwm sim nyob hauv.

Thaum kuv muab cov ntaub ntawv no tso rau hauv daim ntawv no, kuv nkag siab thiab pom zoo tias:

• Cov ntaub ntawv uas kuv muab tej zaum yuav raug siv los ntawm Minnesota Attorney General’s Office (AGO) los: (1) Sim daws qhov teeb meem uas kuv tab tom tiv tauj lub chaw ua hauj lwm no txog, (2) Tiv tauj thiab sib txuas lus nrog kuv, thiab (3) Pab siv thiab tswj txoj cai lij choj, suav nrog kev siv ua pov thawj hauv tsev hais plaub.
  
  
• Kuv nkag siab tias cov ntaub ntawv uas kuv muab yuav muaj kev nkag saib tau los ntawm: (1) AGO cov neeg ua hauj lwm thiab cov neeg sawv cev uas lawv tej hauj lwm yuav tsum tau siv cov ntaub ntawv ntawd, (2) Lwm cov koom haum uas tau kev tso cai raws li txoj cai lij choj hauv xeev los sis tsoom fwv teb chaws, (3) Cov neeg uas tau kev tso cai raws li lus txib los ntawm tsev hais plaub, thiab (4) Lwm tus raws li kuv tau tso cai.
  
  
• Rau cov hom phiaj uas tau piav saum toj no, kuv pom zoo rau AGO los faib cov ntaub ntawv uas kuv muab rau lwm lub koom haum tub ceev xwm thiab/los sis sab tog uas raug hais txog. Kuv nkag siab tias qee zaum, AGO muaj cai tshaj tawm cov ntaub ntawv uas tau khaws tseg ntsuam xyuas rau pej xeem, txawm tsis tau kuv kev tso cai los xij, xws li thaum siv cov ntaub ntawv no foob ua pov thawj hauv tsev hais plaub.
  
  
• Kuv nkag siab tias kuv tsis raug yuam kom muab cov ntaub ntawv no los sis tso cai rau kev faib tawm, tab sis yog kuv tsis ua li ntawd, tej zaum yuav daws tsis tau kuv qhov teeb meem txhawj xeeb no.
  
  
• Kuv nkag siab tias AGO tsis tswj kev siv los sis kev faib tawm ntawm cov ntaub ntawv uas kuv tau muab rau lwm tus neeg sab nraud.  
  
  
• Kuv nkag siab tias cov ntaub ntawv uas kuv muab yuav raug tswj raws li txoj cai lij choj Minnesota Government Data Practices Act, Minn. Stat. ch. 13, thiab yuav tsis raug siv los sis faib tawm tshwj tsis yog raws li kev tso cai no los sis raws li txoj cai lij choj hauv xeev los sis tsoom fwv teb chaws.